当前位置:<主页 > 游戏人脸 >登山单车与摄影 >

登山单车与摄影



    阔别达人频道已有好一段日子,今次主要讲嘅唔係摄影,而係讲登山单车。你可能会话,吓,有冇搞错係度讲啲九唔搭八嘅topic。係咪九唔搭八,睇落去就知。

    今次介绍呢部登山单车(硬架车)係德国品牌Bergamont嘅Platoon 4.3,属2013车款(单车都有年份有版本㗎)。价钱係登山车中应该属于中下价货(因爲大部分比较靓嘅登山单车动辄过万至数万元不等),但我觉得用料,配置及性能方面其实已经非常好(可能因为我要求不高关係),各大单车径以及上落山亦绰绰有余。全避震车又如何?当然好,不过价钱更贵!


    究竟单车同摄影有乜关连?很多时候,影相嘅目的地未必一定车可以到达(例如去船湾水坝影星,上大帽山顶影云海等等等等),可能仲要徒步行一段长路先去到,此时单车就可以发挥佢嘅长处,要去边踩去边,揹箸相机背囊或Messenger Bag消遥自在。可能你会问,踩任何类型都得喇,点解要拣登山单车啊?登山单车嘅好处就係佢可以适应任何路面情况(平路,泥路,烂路,山路,乜路都基本上得),其他车种如小轮车,休闲车,Dup头车(即公路车)对路面有一定要求,唔係话一定唔得,不过有机会踩死你(讲笑)。

    对于追求健康而又喜欢摄影嘅朋友,一部登山单车跟一机数镜同脚架又点少得呀!

    Bergamont Platoon 4.3

    一些小配搭,令座驾更个人化

    三十速波段,上几斜都冇难度。

    落斜好帮手,碟煞话停就停!

    以下分享一些边踩边拍(当然係停低架车set好器材先影喇)嘅烂相数张(当中有DSLR影嘅,亦有用手机影嘅):

    单车径旁影稣光

    晨雾与晨光!

    城门河沙田段影划艇

    沙螺洞眺望大埔及马料水

    夜闯大埔工业村

    大美督夜色

    船湾坝上眺望马鞍山及洞梓新建观音像!

    坝上风光